الرئيسيةالتسجيلدخول

شاطر | 
 

 ..●●(¨`•..ع ــــلم غ ــرورك عزتي مالها ح ــد •´¨)●●..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تـــــــرڱـــــے
مجلس الادارة
مجلس الادارة
avatar

تاريخ التسجيل : 25/07/2009
مشاركاتى : 593
نشاط العضو :
80 / 10080 / 100

ذكر
مزاجك اليوم : عادي
المكان : فى عالمي الخـvipـاص
:my SMS :

ابي منك الدفا...

ولك مني الوفا...

ابي أضممك..

لين تتعب كتوفي..

واحط راسي على صدرك...

وتمسك كفوفك كفوفي...

‏وأبكي...؟

وأبكي...؟

وبيدك تمسح دموعي...

وأقولك أناكلي لك...

بكبريائي...

وبذلي...

وبخضوعي...


أحبك


:my MMS :

مُساهمةموضوع: ..●●(¨`•..ع ــــلم غ ــرورك عزتي مالها ح ــد •´¨)●●..   الجمعة 28 أغسطس 2009 - 11:40

بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي

******

لي عزة(ن) كنها حوت بعض الاشجار
اموت واقف ما انحني للهواني
انا عريب الجد من نسل الاحرار
بين الجدي وسهيل هذا مكاني

******

ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحا الارض وخلا هالسماء
زرقا لعلمك كيف تندم يوم تهجرني

*******

وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك ومشكور

*******

والله لو تبعد فلاهمني رضاك
واسمع كلامي زين دام انت هادي
ماكنت شي وشلون ازعل لفرقاك
عادي وجودك كان .. وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مــد الايادي

******

لو تباعدنا غدا الكون الكبير
شارع مظلم وتبكيه البيوت
جائز الوضع من بعدك خطير
وجائز إن الهم في صدري يفوت
بس شي واحد محال إنه يصير
ما أذل النفس لجلك لو تموت

******

شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب اني ارتجي من نساني
ما جيت ابي منك محبه وتقدير
حتى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني

*****

آه يلي في نهاية حبنا انتي اللي بديتي
آه يا صدمة وياغلطة حياتي
كنتي حلمي كنتي فرحي كنتي ناسي
كنتي بيتي كنتي انتي الروح واغلى من غلاتي
ياكثر ماعطيتك وانتي اكثر من خذيتي
كنت ساكت ما اتكلم واعبر عن سكاتي
والمصيبه كل ما قدمت لعيونك نسيتي
ودي اعرف بس شي واحد
ويــــــن راحت تضحياتي
؟؟

******

حالي بعدكم حال من يطرد الثار
لأخوه .. واللي قاتل أخوه عمه

ابوه قال النار ماتطفي النار
وامه تقول اخوك لا يضيع دمه
زود على همه من الوضع محتار
يتبع رضى ابوه والا رضى أمه
!!

*****

تجيني مشتاق واقول ما أبيك
وادفن بقلبي طاغي الشوق كله
وان جيتني ولهان و الله لخليك
وازرع بقلبك في عنا الحب عله


******

مالي مزاج
..
ارجع اقلب دفاتر
..
اوراقها تجريح
..
وسطورها عتاب
..
مالي مزاج
..
انظر لصوره قديمه
فيها الملامح تضحك
..
بوجه كذاب
..

لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك

*****

تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبلعنها وبلعن كل شخص لي يطريها


******

وشهو يعني لو نقض عهدي وخان
لا هو أول ولا آخر من يخون
دام نحيا في زمن مابه أمان
شيء طبيعي عشرتي عنده تهون
كان يا مكان في ذاك الزمان
نبض في قلبي وفي عيوني عيون
كان له في أصدق أشعاري مكان

*****

من قال لك قلبي مع السيل ينقاد
؟
صحح مفاهيمك وصحصح معايا
يا صاح لي قلب عن الكيف نشاد
ما يمشي إلا إذا قلت: هذا هوايا
أنا معك قلبي شراويه العناد
لـكــن ليا حبك يسوي سوايا

******

علم غرورك عزتي مالها حد
ولي وجه غير الود مابي تشوفه
!
ايام صدك عدها لاخر العد
ونشوف انا والا انت يلقى الحسوفة
!


جيتني من بعد ما مات الأمل
تنتظر مني بعد أعطف وألين
أبتعد ما عاد أقدر أحتمل
طعم ظلمك بي وأنا مخلص أمين
لا بقى رجوى ولا طالب وصل
اختلفت ولا بقى عندي حنين
ما أحبك ما أكرهك وإنت البطل
صرت قاتلني بسيفك مرتين

*****

قصدك إني اتنازل لك وأجيك
وانحني من عقب ما قلت الوادع
مثل ما إنت ماتبيني ما أبيك
المحبة مابها غش وخداع
روح دور لك على غيري شريك
وارتحل بالهم في دنيا الضياع

*****

تخيل حتى لوقلبي بديت أشعر بتقصيره
قسم لأدور لك بداله قلب يعطي والعمر فاني
ولو إنك تفهم إحساس الغلا وشلون تأثيره
فهمت شلون ماأشوفك وأجيب اسمك على لساني

******

ضحيت لعيونك
وما تطلبه جاك
ياما تحملت التعب
بس لجل رضاك

تخطي وأسامح
كل زلة خطاياك
هذا جزى قلب(ن
)
جفى الناس وأهداك

نفسي عزيزة قبل
أصادف محيـاك
وإذا قلتلك بسناك
والله لنـساك

******

ابعد وانا ابعد عشرتك عذبتني
ما اريدك ابعد خاطري منك مكسور
وليه يوم ان الظروف أجبرتني
تركتني وأنا احتري منكم الشور

*****

برحــل وابترك لك بقايا أمل
غدرك عذاب حـال دوني ودونك
وخل الرفيق اللي غـدربي يسليك
وأذكر ترى من خان لأجلك يخونك


*****

******

يا قلب لا تشره اذا الناس عافوك
لا تشتكي وتقول محد(ن) بغاني
وش ترتجي منهم اذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي ما فات يرجع ثواني

*****


مسموح ابعد عن هواي
مقدر اجامل واخدعك
أسمحلي لو تلقى سواي
غيري ترى ماينفعك
ظنيت بك شوقي ورجاي
والعمر اقضي به معك
والغالي ارخصته معاي
حسبي على من دلعك

*****

منك اتعلمت كيف اقسى وكيف ابدي الشفاعه
كيف ازيف رقة اسلوبي وتأثير اندفاعي

طار طيرك في فضا غيري وبالغ بارتفاعه
والنتيجه تاه عن دربي وساهم بالتيــــاعي

شي مؤسف لو تخلا الخل عن خله وباعه
وانكر العشره وخان الود ذي له كان راعي

قمة المأساه لو صار الوفا مثل البضاعه
بالرخص ينباع ياسوء السلوك الاجتماعي

******


انتهت مأساة في هواك
ما اصدق كيف ع الفرقى قويت
التسامح فات لاتنظر وراك
لاتخط بحسرتك الفين بيت
في الهوى الله يحسن لك عزاك
انعني واقبل تعازي من هويت
اعتذر ماعاد بي وقت معاك
انتهى حبك .. مع الحب انتهيت

*****

شفت المقفي
وربي ما أتبعه لو خطوتين ..

واصبعي ..
هو اصبعي ..
لامن غدرني أقطعه ..

بسألك سؤال واحد ..
والجواب بكلمتين !!
لا صار قدرك والهوى خصمين
من تاقف معه ؟؟

يا أخي العزه كرامه
وأنت دايم مستهين

يا أخي ضرسك لو عورك
بذمتك ..
ماتقلعه


*****



*****


أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباكر يهينه !!!


*****


******

يـا نجــم يالـلي تقول الناس من حدري
يـا صفقة الطيب .. عند البايع الشاري

يـا مـبدع بـطـعـنـتي .. يا ذوق في غدري
لله درّي .. و درّ الـصـدق بــأشـــعـــاري

عــرفــت قـدرك .. و لانـي جــاهــل بــقـــدري
مـشـكــور جــداً .. عـلــى تـقـصـيــر مــشــواري


******


ماعاد لي قلب
يهمه حضورك
ولاعاد لي نفس
تحبك وتغليك
يعني كذا مليت
ظلمك وجورك
أنا لي الله وأنت
لك من يصافيك


****

نفسي عزيزه وافهم العلم لاهنـت

الـذل مايـومٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه


****


لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت

لا مـت مـن صـدك ولا فــار دمــي
لأن الحكــايـة كلــهـا مضـيــعة وقــت

*******

رفجه لاتطري الغرام انت في
محطه مثل اوراق الخريف
هو صحيح كنت خلي كنت لي
اقرب وليف بس بروازك
تكسر واصبح بقلبي حطام
ــــــــــــــ
من ما أعجبني..
أتمنى انها تنال على إعجابكم ...



دمتم بود.. :(61):

____________________________




آنبض يآ قلب
دآمـ أنة بَ يجي يومـ وتتوقف
الرجوع الى أعلى الصفحة اذهب الى الأسفل
http://zamanoo.yoo7.com/
طالعه القمر
مجلس الادارة
مجلس الادارة
avatar

تاريخ التسجيل : 29/07/2009
مشاركاتى : 419
نشاط العضو :
70 / 10070 / 100

انثى
مزاجك اليوم : أم برقع
المكان : ع’ـٍآلُـمـي آلانثــٌوٍي ..~
عدد الاوسمه : عضوه مميزه
:my SMS : أستغفر الله الذي لاإله إلا هوو الحي القيوم


وآتووووووب إليييه

:my MMS :

مُساهمةموضوع: رد: ..●●(¨`•..ع ــــلم غ ــرورك عزتي مالها ح ــد •´¨)●●..   الخميس 10 سبتمبر 2009 - 1:00

ايش الحلاوه دي كلهآآآ
يسلموآآ على هيييك مسجات مره مررره جنآآآآآآن
الرجوع الى أعلى الصفحة اذهب الى الأسفل
 
..●●(¨`•..ع ــــلم غ ــرورك عزتي مالها ح ــد •´¨)●●..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: "¬°•|عآلم الجوال|•°¬ " :: lllll منتدى الشباب لرسائل الجوال lllll-
انتقل الى: